“RISING FILM”  Нэвтрүүлэг

  UBS  телевизийн залуу найруулагч Б.Чингүүний санаачлан бүтээж байгаа    “Rising Film” буюу “Мандах кино” нэвтрүүлэг бол манай телевизийн бас нэгэн онцлох уран бүтээл юм. 2007 оны 11-р сард анхны дугаараа эфирт цацсан  энэ нэвтрүүлэг  өнгөрсөн хугацаанд 25 дугаарыг үзэгчиддээ барьжээ.

  “Rising Film” кино гэгч гайхамшигт урлагийн тухай өгүүлдэг нэвтрүүлэг болох нь нэрнээсээ тодорхой. Гэхдээ энэ нэвтрүүлэг бусад телевизийн киноны  нэвтрүүлгүүдээс ялгарах өөрийн гэсэн өнгө аястай. Орчин цагийн хүн бүрийн амттай хэрэглээ болсон кино гэгч урлагийг ямар хүмүүс хэрхэн яаж бүтээдэг тухай задлан  үзүүлж байгаа  энэхүү нэвтрүүлэг  кино сонирхогч, үзэгч хүн бүрийн хүлээдэг нэвтрүүлэг болж чадсан. “Rising Film”-ийн үзэгчид тэр бүр яриад байдаггүй киноны зохиолын тухай, кино найруулагч гэж хэн бэ, зураглаач юу хийдэг, нүүр хувиргагчийн үүрэг оролцоо, киноны хөгжим хэрхэн бүтдэг, дуу  авиа буюу sound гэж юу болох, ам барин дуу оруулна гэж юу гэсэн үг вэ гээд  дэлгэцийн ард өрнөдөг ажлуудын тухай сонирхож, эдгээр чимхлүүр нандин  ажлуудыг гүйцэтгэдэг уран бүтээлчидтэй уулзуулдаг.

  Долоо хоног бүрийн ням гарагийн үдэш үзэгчдэд хүрдэг Rising Film нэвтрүүлгийн  имиж бол  редакторын судалгаа сайтай зохиол, хөтлөгчдийн өвөрмөц төрх, хөтлөлт, найруулагч, зураглаачдын шинэлэг шийдэл бүхий планы тавилт, камерын хөдөлгөөн, ховор сонин хуучны дүрс, үг бүр нь үнэтэй  уран бүтээлчдийн яриа, ритмтэй эвлүүлэг юм.

  Мөн www.kinourlag.com сайтаас өмнөх бүх дугаарууд болон удахгүй гарах дугааруудыг үзэж болно.