Онцлох мэдээ
"Universe Best Songs-2015" наадмын шилдгүүдийн гала тоглолтын тов гарлаа

Жил бүр газар газраас “Universe”-ийн гэх алтан тайзыг авьяас билэгтнүүд зорин ирж аялгуу эгшиг, өнгө будаг нэмэн үзэгч түмний сонорыг мялаадаг. Тэгвэл жил жилийн яг өдийд шилдэг оролцогчид тунан үлдэж ахин дахин сонсмоор чадварлаг дуулалтыг UBS-ийн үзэгчдэд мэдрүүлдэг. Энэ жил шилдэг 21 оролцогч тунан үлдсэн. Зарим хүмүүс тэднийг 21 Дарь-Эх хэмээн бэлгэшээн өргөмжилж байхад, хүний хөгжлийн 21 гэж наргиан болгох нь ч бас байна. Гагцхүү эдгээр шилдгүүдийн дуулалтыг дэргэдээс нь сонсож, харж, мэдрэх боломжийг гала тоглолт танд олгоно. Хүж дэлхийн хамгийн сайхан дуу тэнд эгшиглэнэ.
Боломж үргэлж бидний гарт...
Монголын дуу хөгжмийн ертөнцөд ямархан уран бүтээлчид төрөн гарч ирж байгааг 2015 оны 06 дугаар сарын 10, 11-нд UB Palace-д зохион байгуулагдах гала тоглолтоос үзээрэй.

2015-05-28 11:30
Соёл урлаг
"Гулгаа массаж" нэрийн дор охидын биеийг үнэлүүлж байна

Эрүүгийн цагдаагийн газраас Монгол Улсын Эрүүгийн хуулийн 124-р зүйлд заасан "Биеэ үнэлэхэд татан оролцуулах, биеэ үнэлэхийг зохион байгуулах гэмт хэрэг"-тэй тэмцэх, "Гулгаа массаж" гэх нэрээр бусдын биеийг үнэлүүлж байж болзошгүй гэмт үйлдлийг таслан зогсоох зорилгоор Баянгол, Баянзүрх дүүргүүдийн нутаг дэвсгэрт 5-аас 6-р сарын хооронд хамтарсан шалгалтыг зохион байгууллаа.Шалгалтаар дээрх дүүргүүдийн нутаг дэвсгэрт байрлах аж ахуй нэгжүүдийн нэрийн дор байрлах саун массажны газруудад ашиг олох зорилгоор эмэгтэйчүүдийн биеийг үнэлүүлж, орогнуулж байсныг илрүүлэн нийт 24 орчим биеэ үнэлэгч, охид эмэгтэйчүүд, тэдгээрийн биеийг үнэлүүлдэг гэмт этгээдүүдийг олж тогтоож, харьяа дүүргийн цагдаагийн хэлтсүүд шалгаж эхлээд байна.Иймээс охид бүсгүйчүүдийг энэ төрлийн үйл ажиллагаа явуулдаг аж ахуй нэгж,иргэдэд хууртаж хууль зөрчихгүй байхыг цагдаагийн байгууллагаас анхааруулж байна.

2015-06-03 18:11
Нийгэм
Ойрхи Дорнодын амьсгалын замын хам шинж өвчнөөр халдварлагсдын тоо нэмэгджээ

БНСУ-д МЕРС буюу Ойрхи Дорнодын амьсгалын замын хам шинж өвчний тархалт нэмэгдэж, эрүүл мэндийн салбарын ажилтнууд яаралтай урьдчилан сэргийлэх арга хэмжээ авч хэрэгжүүлээд байна. Өнөөдрийн байдлаар энэ өвчнөөр 30 хүн халдварлаж, 2 иргэн амиа алдаад байгаа юм. Эмнэлгүүдэд тусгаарлах бүс байгуулж, өвчний халдварыг зогсоохоор оролдож байна. Мөн Сөүл хотод олон нийттэй харилцах ажилтнууд төдийгүй сэжигтэй өчтнүүдтэй харилцаж буй ажилтнуудыг урьдчилан сэргийлэх үүднээс амны хаалт зүүхийг сануулж байна. 200 гаруй бага сургуулиудын үйл ажиллагааг түр зогсоохоор болжээ. Ойрхи Дорнодын хам шинж өвчин нь хамгийн анх 2012 онд Саудын Араб улсад илэрсэн учраас халдварын голомт болсон бүс нутгийнх нь нэрээр нэрлэжээ. Өнгөрсөн жилүүдэд дэлхий даяар 1,161 хүн халдварлаж, 436 хүн таалал төгсөөд байна. Саудын Арабаас гадна дэлхий 20 орчим оронд тархжээ.

2015-06-03 16:58
Дэлхийд
АСЕМ-д бэлтгэж зочид буудлуудыг 150 тэрбумаар завсарлана

Ази, Европын Дээд түвшний XI уулзалт 2016 оны долдугаар сард Улаанбаатар хотод болно. Энэ уулзалтад 51 орны Төрийн тэргүүн, Засгийн газрын тэргүүн, Гадаад хэргийн сайд нар, олон улсын байгууллагын удирдлага, хэвлэл мэдээллийнхэн зэрэг нийт 5000 гаруй зочид, төлөөлөгч оролцохоор төлөвлөж байна.

Төлөөлөгчдийг байрлуулах зочид буудлын тохижилт, засвар үйлчилгээний талаар Засгийн газрын хуралдаанаар хэлэлцэж, зочид буудлуудад олгох хөнгөлөлтэй зээлийн эх үүсвэрт 150 тэрбум төгрөгийн санхүүжилтийг төслийн орлогоос эргэн төлөгдөх нөхцөлтэйгээр Хөгжлийн банкны эх үүсвэрээр арилжааны банкуудаар дамжуулан санхүүжүүлэх гэрээ байгуулан ажиллахыг Хөгжлийн банкны Төлөөлөн удирдах зөвлөлд даалгалаа.

Манай улсад 450 гаруй аж ахуйн нэгж зочид буудлын үйлчилгээ эрхэлдэг бөгөөд эдгээрээс 45-ыг нь олон улсын шаардлага хангаж буй. Эдгээр буудалд тохижилт, засвар хийх, зэрэглэл нэмэх зэрэг шаардлага байгаа гэж үзжээ.

2015-06-03 14:44
Улс төр
Жиргээ