онцлох мэдээ
Чернобылийн цөмийн цахилгаан станцад осол гарснаас хойш 29 жил өнгөрчээ

Одоогоос 29 жилийн өмнө Украйны Чернобылийн цөмийн цахилгаан станцад туршилтын үеэр дэлбэрэлт болж дэлхийн түүхэнд хамгийн их гарз хохирол дагуулсан цөмийн осол болсон юм. Цөмийн цахилгаан станцтай хамгийн ойр байдаг Славутыч хотод Чернобылийн ослын хохирогчдод хүндэтгэл үзүүлэх арга хэмжээ болсон байна. Цөмийн станцын осол 1986 оны 4 дүгээр сарын 26-ны шөнийн 1 цаг 20 минутын үед гарчээ. Дэлбэрэлтийн улмаас 30 гаруй хүн газар дээрээ амиа алдаж, эргэн тойрон 32 км-ын радиус оршин сууж байсан 135,000 иргэнийг нүүлгэн шилжүүлж байсан юм. Украйны нутаг дэвсгэрт цацраг идэвхит бодис үүл мэт тархаж, 150,000 км квадрат талбайг хамран хөрш Беларус улсад ч хүрч байжээ. Ослын газарт ажиллаж байсан 4,000 иргэн амиа алдсан гэж үздэг боловч үүнээс ч их хүн амь насаараа хохирсон гэж ярьдаг. Украйны Засгийн газрын мэдээллээр 70,000 гаруй иргэн гэмтэж бэртсэн байдаг юм.

;jsessionid=0466F2404ADAC6770C04BB3F3D3F3650
2015-04-26 15:52
Дэлхийд
Орон сууцны урьдчилгаа төлбөрт дэмжлэг үзүүлэх журмыг баталлаа
 
“Нийслэлийн орон сууцны хөтөлбөр”-ийг хэрэгжүүлэх ажлын хүрээнд НИТХ-ын 2014 оны 24/03 тогтоолоор “Улаанбаатар-орон сууц сангаас төрийн албан хаагчдад урьдчилгаа төлбөрийн дэмжлэг үзүүлэхэд баримтлах журам”-ыг баталсан. Үүнтэй холбогдуулан НИТХ-ын Тэргүүлэгчдийн ээлжит хуралдаанаар “Орон сууцны урьдчилгаа төлбөрийн дэмжлэг авах төрийн албан хаагчийг сонгон шалгаруулахад баримтлах нийтлэг журам”-ыг хэлэлцэн баталлаа.Уг журамд нийслэлийн харьяа төрийн байгууллагын төрийн албан хаагч нийслэл, дүүргийн Иргэдийн Төлөөлөгчдийн Хурлын Ажлын алба, Засаг даргын Тамгын газар, Захирагчийн Ажлын алба, нийслэл, дүүргийн Засаг даргын эрхлэх асуудлын хүрээний хэрэгжүүлэгч агентлаг, хэлтэс, алба, нийслэлийн өмчит төсөвт байгууллага, нийслэлийн төрийн өмчийн Ерөнхий боловсролын сургууль, цэцэрлэг, нийслэл, дүүргийн эмнэлэгт ажиллаж буй төрийн албан хаагчид хамрагдах боломжтой.
 
Журмаар тогтоосон нийтлэг шаардлага нь:
  • Нийслэлийн харьяа төрийн байгууллагад 3-аас доошгүй жил тасралтгүй ажилласан байх
  • Ажлын байр, албан тушаалын тодорхойлолтод заасан зорилго, чиг үүргийн хэрэгжилтийг биечлэн хангаж, үр дүнтэй хэрэгжүүлдэг байх
  • Тухайн ажлын байранд цаашид тогтвор суурьшилтай ажиллах, ёс зүй, хувийн ашиг сонирхлын зөрчилгүй байх
  • Худалдан авах орон сууцныхаа зээлийн урьдчилгаа төлбөрийн 50-иас доошгүй хувийг бүрэн төлж барагдуулах чадвартай байх
  • Ипотекийн зээлд хамрагдах нөхцөл, шалгуурыг хангасан байх зэрэг шалгуур үзүүлэлтүүдийг журамд тусгажээ.
Эдгээр шаардлагыг хангасан төрийн албан хаагч Гэр хорооллын дахин төлөвлөлтийн хүрээнд барьсан орон сууцнаас сонгож урьдчилгаа төлбөрийн дэмжлэг авах хүсэлтээ ажил олгогчдоо гаргах бөгөөд ажил олгогч “Улаанбаатар - Орон сууц сан”-д хандах юм. "Улаанбаатар - Орон сууц сан"-аас ажил олгогчид квот өгсөнөөр төрийн албан хаагч, “Улаанбаатар – Орон сууц сан”, банк хамтран гурвалсан гэрээ байгуулах юм.
;jsessionid=0466F2404ADAC6770C04BB3F3D3F3650
2015-04-24 16:18
Улаанбаатар
Тэтгэврийг сонгодог болно

Засгийн газраас тэтгэврийн даатгалын шимтгэлийн нэрийн дансны тухай хуульд нэмэлт өөрчлөлт оруулах хуулийн төслийг УИХ-ын чуулганы нэгдсэн хуралдаанаар хэлэлцэх эсэхийг хэлэлцлээ. Тэтгэвэрт гарч байгаа, тэтгэвэр авч байгаа ахмадууд сонголт хийж, өөрт ашигтай тогтолцоогоо сонгох боломжийг бий болгожээ.Улсын Их Хурлаас 1999 онд “Төрөөс тэтгэврийн шинэчлэлийн талаар 2021 он хүртэл баримтлах үндсэн чиглэл”-ийг баталж, Тэтгэврийн даатгалын шимтгэлийн нэрийн дансны тухай хууь хэрэгжиж эхэлсэн. Энэ хуулийн гол үзэл баримтлал нь 1960 оны 1 дүгээр сарын 1-ний өдөр болон түүнээс хойш төрсөн даатгуулагчид нэрийн данс нээж, 1960 оноос хойш төрсөн иргэдийн 1999 оноос өмнө ажиллаж байсан хугацааны шимтгэлийг хийсвэрээр тооцон төлсөн шимтгэлийг нэмж, цалингийн өсөлтийн хэмжээгээр хүү бодож олгож байгаа юм. 2013 оны жилийн эцсийн байдлаар нийтдээ нэг сая гаруй иргэн нэрийн дансаа нээлгүүлж, уг дансанд бүртгэгдсэн үлдэгдэл дүн 8,8 их наяд төгрөг болсон байна. Тогтолцоог шинэчилж, ахмадуудад ээлтэй орчинг бүрдүүлэх үүднээс хуульд нэмэлт өөрчлөлт оруулах асуудлыг Хүн амын хөгжил, нийгмийн хамгааллын яамнаас боловсруулжээ.

;jsessionid=0466F2404ADAC6770C04BB3F3D3F3650
2015-04-24 15:04
Нийгэм
шууд эфир